மக்களும் மாக்களும் சூழ்ந்த உலகு

தேர்தலு வரப்போகுது தாண்டவக்கோனே - ஊரு

கரைவேட்டியால் கரையாகுது தாண்டவக்கோனே

கடனில் தத்தளிக்கும் தமிழகத்திலே – தேர்தல்

வந்தாலே நோட்டு வாசம் தாண்டவக்கோனே

மண்ணாப்போன மனுஷனுக்கு தாண்டவக்கோனே - ஓட்டின்

முக்கியத்துவம் தெரியலயே தாண்டவக்கோனே

நாடு நல்லா இருக்கணும்னு நாலு நெனச்சா - காசுபாக்க

நாலாயிரம் அலையுதிங்கே தாண்டவக்கோனே

அஞ்சு வருசத்துகுக்கொருமுறை ஆயிரம்ரூபா –இங்கே

அத்தனையும் அழிச்சிடுத்தே தாண்டவக்கோனே

படிச்சவனும் குடிச்சவனும் ஒன்னு சேர்ந்துதான் – கட்சி

கலவரத்தில் கன்னமிடுறான் தாண்டவக்கோனே

புத்திசொல்ல வாய்தொறந்தா தாண்டவக்கோனே- பயபுள்ள

கத்தி எடுத்து கழுத்த சீவுறான் தாண்டவக்கோனே

எத்தனையோ சொல்லி சொல்லி மடுத்துபோச்சுதான் – உலகம்

மொத்தமாயழிஞ்சாலும் திருந்தமாட்டான் தாண்டவக்கோனே

-    பூங்குன்றன்